توحید کا ترانہ (حمد)
حضور مفتی ٔ اعظم ہند، حضرت علامہ مصطفی رضا نوری، علیہ الرحمہ

بِسْمِ اﷲِ الرَّحْمٰنِ الرَّحِیْم

لَا مَوْجُـــوْدَ اِلَّاﷲ
لَا مَشْہُوْدَ اِلَّاﷲ
لَا مَقْصُوْدَ اِلَّاﷲ
لَا مَعْبُــوْدَ اِلَّاﷲ
لَا اِلٰـــــــہَ اِلَّاﷲ
آمَنَّا بِرَسُــوْلِ ﷲ

ہے موجودِ حقیقی وہ
ہے مشہودِ حقیقی وہ
ہے مقصودِ حقیقی وہ
معبودِ حقُّ و حقیقی وہ

لَا اِلٰہَ اِلَّا ﷲ
آمَنَّا بِرَسُوْلِ ﷲ
رَبِّیْ حَسْبِیْ جَلَّ ﷲ
مَافِیْ قَلْبِیْ اِلَّا ﷲ
حَقْ حَقْ حَقْ ﷲ ﷲ
رَبْ رَبْ رَبْ سُبْحَانَ ﷲ

لَا اِلٰہَ اِلَّا ﷲ
آمنا برسولِ ﷲ

اﷲ واحد ویکتا ہے
ایک خدا بس تنہا ہے
کوئی نہ اس کا ہمتا ہے
ایک ہی سب کی سنتا ہے

لا اِلٰہ اِلَّا ﷲ
آمَنَّا برَسُوْلِ ﷲ

سوتا پیتا کھاتا نہیں
اس کا رشتہ ناتا نہیں
اس کے پِتا اور ماتا نہیں
اس کے جورو جاتا نہیں

لا اِلٰہ اِلَّا ﷲ
آمنا برسولِ ﷲ

مولیٰ دل کا زنگ چھڑا
قلبِ نوریؔ پائے جِلا
دل کو کردے آئینہ
جس میں چمکے یہ کلمہ

لَا اِلٰہَ اِلَّا ﷲ
آمنا برسولِ ﷲ

جَلَّ جَلَالُہٗ وَ صَلَّی اللہُ تَعَالیٰ عَلَیْہِ وَسَلَّم

{سامان بخشش}

الاسلامی.نیٹ
www.al islami.net (AL-ISLAMI.NET)